IHM har utplassert containerar for innsamling av glas- og metall ca. 40 stader rundt om i kommunane.

 

 

I containerane kan du levere klart og farga glas, men ikkje porselen, keramikk og knuste glasruter. Vi ber om at du legg metallemballasjen i den containeren der det er best plass. Porselen, keramikk og knuste glasruter er restavfall.

 

Containerane for glas- og metallemballasje vert tømt etter faste ruter. Intervallet er sett opp etter kor tett befolka området er. Til vanleg går dette bra utan at containerane vert for fulle, men av og til vert enkelte fylt opp nærast "over natta" på grunn av storopprydding og anna. Det er ikkje alltid så lett for oss å fange opp dette med ein gong, og me set pris på å verte kontakta dersom du møter ein full container. Me prøver å tøme ekstra dersom det er lenge til neste faste tøming.

 

Gjenvinning av glas- og metall sparer store mengder energi. Glas kan resirkulerast i det uendelege, og både glas- og metallemballasje blir som nytt når det gjenvinnast.

 

Glas og metallemballasje vert sendt direkte til Norsk Glassgjenvinning sitt anlegg på Onsøy ved Fredrikstad. Der vert dei resirkulerte produkta omgjorde til nye glas- og metallprodukt.