- Trygge, fleksible og økonomisk gunstige løysingar tilpassa di verksemd.

- Miljørett avfallshandtering.

- Rådgjeving og informasjon.

 

Vi hjelper deg med gode og trygge avfallsløysingar som er tilpassa di verksemd. Som totalleverandør på avfallstenester har vi lang erfaring i å kartleggje ulike verksemder sin trong for innsamling, transport og levering av avfall.

 

- Fleire avfallstypar er gratis å levere på grunn av bransjeavtalar

- Det er viktig at farleg avfall (medrekna elektrisk og elektronisk avfall) vert levert for seg og ikkje i lag med avfall som   går til deponi. Slik hindrar vi at miljøgifter kjem på avvegar.

- Vi hjelper deg med å deklarere farleg avfall slik alle verksemder plikter og slik at du kan dokumentere rett avfallshandsaming ved kontroll.

 

I kapittel 15 i avfallsforskrifta vert det mellom anna stilt krav om at minst 60 vektprosent av avfallet skal kjeldesorterast på byggeplass, og at det skal utarbeidast avfallsplan for nybygg over 300 kvadratmeter golvareal. For rive- og rehabiliteringsarbeid over 100 kvadratmeter skal det og utarbeidast ei miljøsaneringsbeskriving , i tillegg til avfallsplan.

 

Det vert stilt krav til avfallsprodusent om sluttrapport og vedlagd dokumentasjon ved avslutta prosjekt. Dette vert å sende til kommunen som er tilsynsmynde.  

 

Vår filosofi er at kjeldesortering er nøkkelen til å oppnå best resultat både med omsyn til miljø, arbeidsmiljø og økonomi. Vi garanterer at alle utsorterte avfallstypar vert sendt enten til materialgjenvinning eller til energiutnytting.

Økonomisk er det mest å spare på å kjeldesortere i verksemda. Vi tilbyr løysingar som høver godt på mindre byggjeplassar, til ryddeaksjonar og liknande. Du kan og kjeldesortere sjølv når du kjem til anlegget vårt. Etter ønskje kjeldesorterer vi og for våre kundar mot betaling.

 

Ved å satse på ordningar for kjeldesortering og gjenvinning, tek vi vare på ressursane i staden for å gjere avfall til eit problem.

 

 

 

Farleg avfall