IHM er eit interkommunalt selskap eigd av kommunane:

 

Eidfjord		Granvin		Jondal		Ullensvang		Ulvik		Voss

 

 

IHM sitt styre er samansett av ein representant frå kvar kommune.

Representantskapet har 15 medlemmer: 5 frå Voss og to frå kvar av dei andre kommunane.

 

IHM ønskjer å gje eit miljørett og kostnadseffektivt tilbod på avfallstenester til alle i regionen.

 

Selskapet vil vere ein pådrivar for å redusere avfallsmengdene og for å fremje ei miljørett utvikling i regionen.

 

Hardanger- og vosseregionen er ei nasjonal naturperle med sterke kulturelle særpreg der verksemd og aktivitet knytt til desse særtrekka har lange tradisjonar. Arbeidet i regionen har historisk vore tilpassa ein nøysam bruk av ressursar, og IHM ønskjer å ivareta desse tradisjonane.

 

Målsetjinga er å vere ein seriøs aktør med tillit i marknaden. Forvaltningsoppgåvene skal ivaretakast på ein slik måte at kommunane får sine oppgåver løyste i samsvar med lovverket, og slik at brukarane opplever tilbodet som meiningsfylt.

 

I eit breiare perspektiv vil IHM samarbeide med aktuelle aktørar for å vidareutvikle dei naturlege ressursane i regionen.

 

IHM har eit moderne avfalls- og gjenvinningsanlegg på Bjørkemoen i Voss kommune. Her vert restavfall deponert medan andre avfallstypar vert levert vidare til gjenvinning. Metangass frå deponiet vert samla opp og brukt i ein gassmotor som produserer energi. Energien vert nytta til høgteknologisk membranrensing av sigevatnet frå deponiet og til lys og oppvarming på anlegget elles. Overskotet av el-krafta vert seld til Voss Energi.

 

 

 

 

 

 

Foto: Svein Ulvund, Arnstein Karlsen, IHM

Illustrasjonar: Solveig Andersen, IBOX