Oppussing skapar avfall og avfall skapar kaos. Ikkje nødvendigvis! Med vårt enkle system får du orden heime og levert avfallet dit det skal.
Det er enkelt å sortera medan du pussar opp! Desse enkle grepa gjer det lett å førebu seg og sortera undervegs.
Du treng
- Store, solide bagar (til dømes blå posar frå Ikea eller Maxbo).
- 1 sprittusj til å skrive på bagane.
Slik gjer du det
- Bruk sprittusj og skriv på bagane kva slags avfall som skal i kvar enkelt.
- Det kan vera lurt å ha posar til: elektrisk avfall, farleg avfall, plastemballasje, papp og restavfall, samt ein til ting du er usikker på korleis du skal sortere. Ikkje alt oppussingsavfall får plass i posar. Større ting sorterar du i haugar etter kva for materialtype det er, som til dømes ubehandla trevirke, malt trevirke, impregnert trevirke og isolasjon.
Slik veit du kva som skal kor
- Skriv ut
hugselista for oppussarar og heng den opp eller legg den på ein tilgjengeleg stad, då veit du korleis det meste skal sorterast. - Er du likevel usikker så sjekk sortere.no. Det er lurt å ha ein solid pose til ting du treng hjelp til å sortera - den kan til dømes merkast med “hakkje peiling”.
Har du brukbare restmaterialar? Sjekk våre bygg-det-sjølv-tips. Kanskje den gamle veggen din kan bli hyller på din nye vegg?
