Redusert gebyr for abonnentar som heimekomposterer/driv med bokashi
Dei som komposterer må skaffa kompostbinge sjølv, men får refundert 50% av innkjøpspris, maks kr 1500,- av IHM ved å leggja fram kvittering. Dette gjeld berre ved 1. gongs kjøp! Ved fornying av binge vert det ikkje gjeve tilskot.
Gebyret vert òg redusert. Les meir om kompostering.
Støtte til tøybleier
IHM ynskjer å motivera småbarnsforeldre i regionen til å bruka tøybleier. Kvart barn produserer over 1 tonn med restavfall dersom det nyttar papirbleier. Den samfunnsøkonomiske nytten ved å bruka bleier som kan vaskast i staden for papirbleier, er stor.
Tøybleier er miljøvenlege. Papirbleier inneheld tungt nedbrytbare stoff og eignar seg ikkje til gjenvinning eller kompostering. Når ein i tillegg tenkjer på transporten av bleiene og avfallet, er det ikkje tvil om at tøybleier er eit meir miljøvenleg alternativ, sjølv om du må bruka vaskemaskina oftare.
Tøybleier er òg bra for barnet. Lufttilgang hindrar utslett og sår stump. I tillegg sparar du pengar. (Sjå rekneskap om dette på fleire nettstader.) IHM støttar småbarnsforeldre som vel å nytta tøybleier med ein eingongssum på inntil kr 1250,-, avgrensa til 50 % av kjøpesum ved kjøp av nye tøybleier.
